當力Co奧遇上丸丸之睇大夫

丸丸早2日因為呼吸困難, call了白車入院, 今早, 丸丸再次因為呼吸困難, 在sms向力Co奧求救

力Co奧見丸丸咁落去並唔係辦法, 決定要執丸丸去睇大夫, 仲好勁咁, 同丸丸打了個尖........丸丸想賴貓唔去都唔得, 因為力Co奧lunch時已經請0左半日假要捉丸丸去睇na!!!! 1點幾力Co奧已經0向丸丸公司樓下等丸丸, 之後就開始佢地2個ge第一次街街~ (算唔算街街呢?)

一齊去搭船仔 (仲買埋百力滋上船食~!!) 去灣仔, 再行過cwb~ 去大夫度~ 去到大夫度大夫話未ok, 我地就落time square lunch先~ 去了翡翠拉麵小籠包~ 2個人食0左湯水餃, 小籠包同上海排骨湯麵~ 2個好似走堂咁, 同隔離table ge遊客們格格不入, 但又因為咁, 呢個感覺好特別, 好似偷返0黎ge街街咁, 呢個時候, 丸丸已經偷偷地珍惜呢個下晝~

lunch完上返去, 大夫就同丸丸碌na~~ 丸丸係咁叫救命, 力Co奧有冇偷偷地在外面心痛呢?

搞掂晒0個時已經5點幾, 丸丸成個散晒又魚晒~ 但又舒服晒~ 多謝力Co奧帶丸丸0黎比大夫dup呀~~~ 由於丸丸仲好驚, 力Co奧決定要搵個地方比丸丸定驚, 呢個地方係邊? 咪又係丸丸最愛ge PC law~ 去time square ge PC~ 5點幾, 2個好hea ge人0向PC一路飲野, 一路望住d人shopping, 好hea~~~ 好舒服ge生活~ 偷得浮生半日閒咪咁解law~

0向PC hea完我地就去行M&S~ 諗住買好味道糖糖~ 點知買唔到, 我地就搭叮過中環比丸丸轉船~ 丸丸真係好鐘意搭叮呀~ (其實係因為想珍惜同身邊ge力Co奧相聚ge時間0者~)

力Co奧, 多謝你對丸丸咁好呀~!! 佢咁大個女都未試過咁樣比一個男人呵護ga!!!